Archive for Setembro, 2013

Setembro 29, 2013

Audiencia Nacional e policía reprimen o recibimento de Iolanda e Aurora

A Policia Nacional asediando o Bar Faluya

A Policia Nacional asediando o Bar Faluya

Un forte dispositivo policial impediu onte a celebración do acto de recibimento previsto para as ex-presas políticas do Partido Comunista de España (reconstituído) Aurora Cayetano e Iolanda Fernández liberadas o pasado mes de xullo tras pasar once anos en prisión.

Pouco antes das 18:00 h a policía xudicial identificaba aos organizadores informándoos sobre a existencia dun Auto emitido polo Xulgado Número Cinco da Audiencia Nacional no que se prohibía expresamente a celebración de calquera acto que tivese como fin “a exaltación do terrorismo” o que en palabras da propia policía incluía berrar consignas en favor dos presos políticos ou da Amnistía.

Varias dotacións da policía nacional tomaron as coruñesas rúas do Orzán e San Andrés co obxectivo de amedrentar as persoas que se dirixían ao Bar Faluya. Ducias de persoas foron identificadas, incluso simples viandantes que descoñecían os motivos de semellante dispositivo policial. A presencia policial prolongouse durante máis de catro horas.

Malia todo, cabe subliñar que nin a Audiencia Nacional ni a policía conseguiron evitar que máis de cincuenta persoas se achegaran ao Bar Faluya para expresar persoalmente o seu afecto e simpatía a Iolanda e Aurora. Non houbo bandeiras, nin consignas… pero si moita indignación e sobre todo moita SOLIDARIEDADE que era, en definitiva, do que se trataba. Por iso podemos dicir que aínda que non puidemos facer o Recibimento destas loitadoras en liberdade, o Estado fascista, os seus xuíces e a súa policía non conseguiron acadar ningún dos seus obxectivos.

Advertisements
Setembro 21, 2013

Recibimento de Aurora Ceyetano e Iolanda Fernández

Ioli -Aurora

O vindeiro sábado 28 de setembro recibiremos na Coruña as ex-presas políticas Aurora Cayetano e Iolanda Fernández, liberadas o pasado mes de xullo tras cumprir integramente as condenas de 11 anos que lles foron impostas por militar no Partido Comunista de España (reconstituído).

Aurora -natural de Vigo- e Ioli -veciña da Coruña- foran detidas en Madrid o 18 de xullo de 2002 no marco dunha ampla operación represiva que levaría a prisión a máis de 20 militantes deste partido, dos GRAPO e do Socorro Roxo Internacional. Todos e todas foran duramente condenados pola Audiencia Nacional en aplicación da lexislación antiterrorista.

Para o acto esperamos contar con representación de diversos colectivos do eido do Movemento de Solidariedade de Galiza. Tamén se desprazarán para a ocasión diversos solidarios e solidarias procedentes de Euskal Herria e de Madrid, onde reside actualmente Iolanda Fernández. O Recibimento terá lugar no Bar Faluya (Rúa do Orzán 75) a partir das seis da tarde.

%d bloggers like this: