Archive for Novembro 23rd, 2013

Novembro 23, 2013

Benvidos Moreno, Encarni e María Jesús!

Xaime Simón, "Moreno"

Xaime Simón, “Moreno”

O pasado xoves 21 de novembro, Xaime Simón Quintela, ex-preso político dos GRAPO, abandonaba a prisión de Herrera de La Mancha tras 29 anos de encerro. “Moreno” sae despois de cumprir case integramente a pena de 30 anos á que foi condenado en 1985. Se o goberno respectara a súa propia legalidade, o veciño de Vigo tiña que estar libre dende o ano 2006, mais a aplicación da fraudulenta “Doutrina Parot” supuxo para el un alongamento da condena en sete anos.

Tamén veñen de saír de prisión as ex-militantes dos GRAPO Encarnación León Lara e María Jesús Romero Vega tras cumprir con creces as súas respectivas condenas consecuencia da mesma lei fascista. Todas elas se atopan xa con familiares e amigos que as foron a recoller ás portas da prisión. Subliñar, non obstante, os incidentes protagonizados por un grupo de ultras da extrema-dereita que segundo parece foron convocados polos carcereiros para que agrediran as persoas que foron a recoller a Encarni.

Coma contrapunto a tanta ledicia, lamentamos informar tamén do pasamento de Lola Etxeandia, nai do preso políticos vasco Enrique Kuadra e do tamén xa falecido por enfermidade Iñaki Kuadra Etxeandía, igualmente ex-preso político. As nosas condolencias para familiares e amigos desta gran loitadora da causa da Amnistía.

A %d blogueros les gusta esto: