Anónimos “felicitan” o Nadal á familia Cela Seoane

Anónimo enviado ao Bar Faluya

Josefa Seoane Vaz, activista do noso COMITÉ DE SOLIDARIEDADE e nai dos irmáns Cela Seoane (os tres presos ou ex-presos políticos), ven de recibir un “anónimo” no que alguén lle desexa e ela e os seus fillos toda clase de males. A misiva -selada en Barcelona- non tería maior importancia se non fora por que veu precedida dunha intensa campaña de intoxicación mediática promovida por Europa Press, El País e outros contra a familia Cela Seoane. Como se lembrará, estes voceiros do Réxime e da propia policía política situaban a Pepita como “matriarca e importante ideóloga dos GRAPO” e aos irmáns Cela como “perigosos terroristas”. Tamén se citaba ao Bar Faluya (onde agora se recibiu o anónimo en cuestión) póndoo no centro de todo o contubernio roxo-separatista.-

Para ver o artigo de Europa Press preme aquí:

http://www.europapress.es/galicia/noticia-historico-grapo-gallego-cela-seoane-fue-anfitrion-etarra-troitino-salida-carcel-teixeiro-20131109130816.html

Para ver o artigo de El Pais preme aquí:

http://elpais.com/politica/2013/11/09/actualidad/1384023992_464943.html

Advertisements

Olga e Moreno protagonistas no “Xantar dos Presos e Presas” celebrado en Vigo

Xaime Simón, “O Moreno” e Olga Oliveira

Como se ven facendo desde hai anos, o pasado domingo día 15 de decembro, celebrouse en Vigo a habitual comida polos presos e presas políticas antifascistas e comunistas do Nadal. Medio cento de persoas déronse cita nesta cidade para recordar aos seus familiares, amigos e amigas ou todos eses camaradas que aínda seguen en prisión despois de anos e anos de resistencia e loita frontal contra o exterminio carcerario e o propio fascismo.

Uns gaiteiros puxeron fin a un espléndido xantar cheo de confraternización, risas, agasallos, bailes… e tamén algunha que outra bágoa de emoción dos anfitrións desta cita solidaria: Olga Oliveira e Xaime Simón, “O Moreno”, ambos ex-presos políticos dos Grupos de Resistencia Antifascista Primeiro de Outubro, GRAPO, liberados recentemente despois de moitos anos en prisión, case tres décadas no caso de Xaime Simón.