Posts tagged ‘RESEÑAS’

Xullo 4, 2013

Xornada pola Amnistía en A Guarda

vigo

Advertisements
Etiquetas:
Maio 4, 2013

Benvidos Ciete e Carmela!

cenacietecarmela

O pasado sábado 27 de abril, convocouse en Madrid un Xantar para celebrar a saída en liberdade de Ciete Calcerrada e Carmen Muñoz, ambos detidos en 2002 e condenados a 11 anos de prisión por militar no Partido Comunista de España (reconstituído) e no Socorro Roxo Internacional. Tanto Ciete como Carmela, son veteranos militantes da causa democrático-revolucionaria e xa pasaran numerosos anos de cárcere como membros dos GRAPO.

Ao xantar asistiron numerosos familiares e amigos destes recoñecidos veciños do barrio madrileño de Vallecas. Durante o acto, tamén tomaron a palabra as recentemente excarceradas Marían Ruíz Villa e Carmen Anguita. Unha representación do Socorro Roxo Internacional de Galiza e do noso COMITÉ DE SOLIDARIEDADE desprazouse igualmente até a capital do Estado para renderlle cumprido homenaxe a esta parella de auténticos militantes comunistas.

Etiquetas:
Abril 16, 2013

«O Faluya encheuse de solidariedade», por Aitor Cuevo

Ao fondo Aitor Cuervo

Ao fondo, Aitor Cuervo Taboada

«As xornadas do domingo na Coruña contra a Doutrina Parot foron un éxito. O Bar Faluya encheuse de xente e de solidariedade. Pasamos un día inesquecíbel entre a comida popular, as charlas e as actuacións.

Durante o xantar, lemos cartas dos presos políticos coruñeses, eu a de Suso Cela, en quen ía focalizado o acto, xa que a súa condena rematou en 2007, pero coa ilegal Doutrina Parot andará encerrado até 2015; tiven ademais logo a ocasión de saudalo vía teléfono e foi moi emotivo.

Hai que comentar tamén que o domingo saíron do cárcere de Córdoba os compañeiros Ciete Calcerrada e Carmen Muñoz tras longos anos de prisión. Moitos solidarios achegáronse a recibilos á súa saída, e xa me contaron que a festa de recibimento para ambos os dous foi épica .

Cada vez máis xente mostra o seu apoio aos que máis loitaron pola liberdade, e é que, a solidariedade avanza como unha onda imparábel que non deixa de medrar.»

Aitor Cuervo Taboada é poeta.

Etiquetas:
Agosto 23, 2012

Concerto pola Amnistía no CSO de Palavea (A Coruña)

Etiquetas:
Agosto 13, 2012

XXXI Cabodano do asasinato de Abelardo Collazo Arauxo

O próximo 29 ade agosto cumpriranse 31 anos do asasinato de Abelardo Collazo Arauxo en Madrid. Sobre as cinco da tarde daquel fatídico día, Abelardo ten unha cita con outro obreiro vigués, Luís Fernández González, “O Ché”. Ambos son combatentes dos GRAPO. As oito e media do serán soben pola madrileña rúa de Bravo Murillo e collen pola rúa Coruña. Mentres, a policía prepara a emboscada. O lugar está pouco transitado; é o sitio idóneo, sen testemuñas. Varios policías aproxímanse polas costas e, sen mediar palabra, descargan as pistolas sobre os corpos de Abelardo e máis O Ché. Xa no chan, rematan a Abelardo. Xosé Luís recebará varios impactos; un tiro secciónalle a medula espinal a altura do peito, quedará parapléxico de por vida.

Abelardo era un mozo de Teis, que traballa dende os doce anos. A finais dos anos sesenta, cando comeza a rexurdir o movemento obreiro en Vigo, volta da emigración en Francia onde estivera a traballar; axiña entra a formar parte das Xuventudes Comunistas do PCE en Galiza. Ao pouco Abelardo salienta como organizador e dirixente nato entre os compañeiros pola súa seriedade, disciplina, entrega… máis por riba de todo porque é quen de darlle sentido revolucionario á loita, máis alá dos textos e das consignas oficiais dos carrillistas do PCE. Así comezarán os desencontros e os primeiros choques cos dirixentes carrillistas, friccións que favorecerán a configuración dunha corrente verdadeiramente comunista no seo do PCE.

Esta confrontación cos representantes da política burguesa nas filas obreiras vai manifestándose cada día máis claramente na loita política, na loita sindical, etc, até adquirir un carácter verdadeiramente antagónico, que amosa a imposibilidade de manter un traballo comunista de rectificación no seo do PCE. Será nese momento cando a corrente proletaria que personifica Abelardo, racha cos carrillistas e dá lugar á formación da Organización Obreira (O.O). O papel desta nova organización comunista revelarase en toda a súa dimensión cando se pon ao fronte da Folga Xeral de setembro do 72 en Vigo.

Mais Organización Obreira e Abelardo, ao mesmo tempo que rachan cos carrillistas, presentan como unha necesidade política prioritaria a reconstrución do partido proletario. Traballando nesa perspectiva é cando comezan os contactos coa Organización de Marxistas-Leninistas de España. O que comeza cun intercambio de experiencias, debates a a colaboración práctica entre ambas as dúas organizacións, remata cun fondo entendemento entre comunistas que dá lugar ao nacemento da Organización de Marxistas-Leninistas de Galiza que de seguido fusionarase coa OM-LE. Abelardo alenta este proceso que culminará coa reconstitución, en xuño de 1975, do Partido Comunista, agora baixo as siglas PCE(r). O camarada “Alfonso”, como se lle coñecía na Organización, será tamén membro fundador dos Grupos de Resistencia Antifascista Primeiro de Outubro, GRAPO.

A noticia do asasinato do tiroteo que remataría coa morte de Abelardo e deixaría malferido a Luís Fernández, provocou unha reacción de ira sen precedentes na recente historia da Galiza. O enterro de Abelardo Collazo en Vigo congregou unha multitude de obreiros. A Asemblea para Ceibar aos Presos Políticos Galegos (ACPG), convocaría unha folga xeral na comarca secundada por numerosos obreiros e unha manifestación a que acudiron en torno a mil persoas e que acabaría con duros enfrontamentos coa policía. O pobo galego, moi particularmente o proletariado vigués, recoñecía así a un irmán de clase, a un líder indiscutíbel que non dubidou en entregar a súa vida pola causa da República Popular e o Socialismo.

Etiquetas:
Maio 14, 2012

Xantadores solidarios no CSO de Palavea

Lembramos que desde hai xa varios meses todos os mércores gustamos dos suculentos xantadores veganos en apoio ás persoas presas no Centro Social Okupado de Palavea (rúa Río Quintas 31, N-550). Así que todos os mércores, a iso das 14:30 horas, comida solidaria cos represaliados do sistema e os seus conseguintes debates informais anti-represivos de sobremesa.

Todo o recadado destinase integramente o apoio daquelas persoas presas que na asemblea decidimos os participantes dos xantadores.

http://okupacorunha.wordpress.com/

Etiquetas:
Maio 2, 2012

Un Primeiro de Maio inesquecíbel

Tal e como estaba previsto, tralas manifestacións deste Primeiro de Maio, medio de cento de solidarios, amigos e familiares dos presos e presas políticas, asistiron á comida organizada polo COMITÉ DE SOLIDARIEDADE. Tratábase de reivindicar a Amnistía Total, mais tamén, como dixo unha compañeira do COMITÉ, de “denunciar unha represión que non lles afecta unicamente aos presos ou aos militantes revolucionarios senón que se está a estender ao conxunto do movemento popular”.

Rematado o xantar e a intervención da compañeira, sorteouse unha reprodución do Guernika de Picasso feita polo preso político dos GRAPO Suso Cela Seoane.

Ás seis da tarde foi a quenda de Mini e Mero, acompañados para a ocasión de dúas fermosas voces e un excelente violinista que tampouco quixeron faltar á cita. Preto de 100 persoas ateigaron o Bar Faluya que cedeu desinteresadamente o local durante toda a xornada. Os fundadores de Fuxan os Ventos e membros na actualidade do grupo A Quenlla, deleitaron aos asistentes cos súas cancións, coa súa poesía; con esas voces e esas melodías que non deixan indiferente a ninguén. Houbo ocasión tamén para o humor e, como non, para a denuncia da opresión nacional e social que padece a nosa patria, Galiza.

En definitiva, un Primeiro de Maio inesquecíbel ao que lle puxo a guinda a noticia da liberación (baixo fianza de 3000 euros) do preso político galego Miguel Nicolás.

No nome do COMITÉ, grazas a todos e todas e Benvido Miguel!

Etiquetas:
Abril 21, 2012

O COMITÉ organiza xantar o 1º de Maio

O vindeiro Primeiro de Maio, cadrando co II Aniversario do COMITÉ DE SOLIDARIEDADE COS PRESOS E PRESAS POLÍTICAS, organizarase un xantar de confraternización no Bar Faluya, na rúa do Orzán na Coruña. O dúo formado polos cantantes MINI e MERO amenizará a sobremesa coas súas cancións. Podes mercar o teu bono (por 4 €) no local ou póndote en contacto connosco en: nonestamostodos@gmail.com. Aforamento limitado.

Etiquetas:
Decembro 19, 2011

Éxito da xornada pro-amnistía do sábado

Pablo Hasél no CSOA de Palavea

Máis de cincuenta persoas asistiron á palestra organizada polo COMITÉ DE SOLIDARIEDADE e CEIVAR no CSOA de Palavea, na Coruña. A denuncia da situación dos presos e presas políticas enfermas do PCE(r) e dos GRAPO e a dos independentistas galegos recentemente detidos, centrou a intervención destes dous organismos de solidariedade. Pola súa banda, Pabló Hásel falou de como foi detido pola policía política e trasladado a Madrid para ser procesado pola Audiencia Nacional por “enxalzamento do terrorismo”. Logo da exposición, abriuse unha quenda de preguntas que contou coa intervención dalgúns e dalgunhas das presentes.

Finalizada a palestra, o cantante Pablo Hasél actuou durante unha hora para un auditorio composto por unhas cen persoas. O rapeiro catalán repasou parte de seu repertorio máis combativo, deixando moi claro que as súas ideas e o seu compromiso cos presos políticos é hoxe tan firme como antes de súa detención. Recordamos que nin Pablo Hasél nin a organización da Casa Ocupada de Palavea cobraron un só céntimo de euro, quedando todo o recadado para os Colectivos de Solidariedade e os propios presos e presas políticas. Agradecemos a ambos, así como en xeral a todos os asistentes, a súa colaboración e asistencia á esta intensa xornada pro-amnistía.

Etiquetas:
Decembro 11, 2011

Enderezos de Antom, Eduardo, Maria e Teto

Prisión de Madrid VI - 28300 Aranjuez (Madrid)

Prisión de Madrid IV - 28600 Navalcarnero (Madrid)

Prisión de Madrid V - 28770 Soto del Real (Madrid)

Prisión de Madrid VII - 2859 Estremera (Madrid)

 

Etiquetas:
Novembro 27, 2011

Edición en galego do SRI

O Socorro Roxo Internacional ven de editar: “A desatención médica é a morte de vagar dos presos políticos”, versión en galego do traballo recentemente publicado e distribuído en todo o Estado español en castelán. Se trata dun folleto con artigos de opinión, denuncias e biografías, que está a servir de base á Campaña pola Liberación dos presos e presas políticos enfermos que se ven desenvolvendo dende hai algunhas semanas. Dende o Comité felicitamos ao SRI pola edición deste magnífico traballo dispoñíbel agora tamén en galego.

Etiquetas:
Xuño 21, 2011

CEIVAR convoca Concentración na Coruña

Cartel da convocatoria

Está convocada unha concentración para o Sábado 25 de xuño ás 12h30 diante da Subdelegación do Goberno de España na cidade da Coruña, con motivo da protesta e rexeite das novas medidas que está a impor Institucións Penitenciarias de control sobre as persoas que van a visitar as presas e presos políticos.

Se até o de agora Institucións Penitenciarias aplicaba mediadas represivas directa ou indirectamente sobre os presos e presas e o seu entorno social e familiar mais próximo (coma son a dispersión, a restrición e intervención das comunicacións telefónicas e das cartas, os cacheos corporais aleatorios, a suspensión de visitas programadas sen dar aviso…) temos que engadirlle agora a obriga ás visitas a someterse a un control de aceso ao interior da prisión, con fotografía e tomada de pegadas dactilares, similar ao que efectúa a policía nas detencións, este protocolo repítese ao saír das comunicacións.

Estas novas medidas veñen deseñadas polo Ministerio do Interior aducindo motivos de seguridade, mais non son outra cousa que medidas represivas encamiñadas a acosar e vexar ao entorno socio-familiar e político das persoas encarceradas, vulnerando dereitos fundamentais e estendendo a represión aos máis achegados.

Na súa obsesión polo control social e político o Estado aplica medidas de fascistización amparándose no medo inculcado á sociedade, encubrindo a vulneración da súa propia lexislación en aras da seguridade cidadá, na que calquera que ouse presentar modificacións ou plans diverxentes co estatus quo imperante será reprimido sen importar os dereitos adquiridos polas sociedades actuais.

www.ceivar.org

Etiquetas: ,
Xuño 13, 2011

Homenaxe aos Caídos e xantar-coloquio con Ugio Caamanho na Coruña

Cartel convocatoria

O día 16 de xuño de 1981 o comando composto polos galegos Roberto Liñeira, Dolores Castro, Albino López e o catalán Antonio Cabezas enfrontábanse a tiros coa Brigada Antiterrorista en Barcelona. Conseguen fuxir e recalan nun pobo preto da fronteira con Francia. Ao día seguinte instalan a súa tenda de campaña nos arredores de La Farga de Bebie, en Girona. Albino e Dolores se encamiñan ao pobo a por información sobre trens e algo de comida. Antonio e Roberto Liñeira agardan na tenda de campaña. Albino e Dolores, no pobo, son localizados pola garda civil e detidos. A versión oficial foi que ela levaba unha pistola camuflada e que ao intentar usala foron abatidos. A realidade é que foron brutalmente torturados e logo executados. Coa información proporcionada mor da tortura o resto do comando é localizado. Un grupo de 18 gardas civís descargan neles centos de balazos, asasinándoos no acto.

Roberto Liñeira Oliveira

Francisco Roberto Liñeira Oliveira, naceu na Coruña 23 anos antes do seu asasinato. Pronto destaca como un loitador político e, trala súa labor no mundo estudantil no seo da ODEA (Organización Democrática de Estudantes Antifascistas), o PCE(r) incorpórao ás súas filas.

Roberto é detido o 14 de outubro de 1979 xunto a outros 19 militantes antifascistas en Madrid, Barcelona e Valencia. A el préndeno en Madrid e é duramente torturado antes de pasar a prisión. Como non teñen probas excarcérano nuns meses e pasa á clandestinidade. Entón ingresa nos GRAPO e se lle nomea responsábel dun comando pola súa gran capacidade política e humana.

Participa na acción contra o Xeneral Enrique Bríz Armengol o 2 de setembro de 1980 en Barcelona. Axiña o seu nome é para a policía sinónimo de obxectivo a eliminar. Ese mesmo mes de xuño é ferido de bala pola policía en Barcelona. O día 17, Roberto foi literalmente cosido a balas, con varios orificios nos pómulos, peito e estómago. Tras varios días nos que o corpo non puido ser visto por ninguén non sendo á Garda Civil, Roberto é enterrado na Coruña a finais de xuño.

Antonio Cabezas Bella

Antonio Cabezas Bella era un traballador catalán que na época de 1972 contacta coa OMLE (Organización de Marxistas-Leninistas de España). Antonio era traballador da construción e en 1975, coa fundación do Partido Comunista de España (reconstituído), pasa a militar neste. É un dos militantes puntas de lanza da organización en Catalunya, aínda que debido á súa frenética actividade pronto é posto no mira represivo e ten que pasar á clandestinidade. A inicios dos 80 incorpórase aos GRAPO, primeiro como membro dun comando de información e máis tarde nun comando activo. Participa nas accións de maio e xuño do 81 e pronto establécese unha verdadeira caza do home contra Antonio e o resto de camaradas do seu comando.

María Dolores Castro Saa

María Dolores Castro Saa era de Pontevedra. Tomou contacto coa Unión de Juventudes Antifascistas, UJA, e achegou a numerosos novos máis á devandita organización de masas. A policía política a tiña xa controlada e ameazada e nunha das batidas represivas contra o movemento de resistencia a detivo, torturou e encarcerou. Ao saír de prisión pasa á clandestinidade e ao pouco tempo pide a súa incorporación aos GRAPO. Participou nas accións de maio e xuño de 1981. O día 3 de xuño en Valencia salvouse de ser ferida por moi pouco dun tiroteo coa Policía Nacional. Xa estaba plenamente identificada e posta no centro da diana represiva, polo que o seu asasinato era cuestión de días. Foi enterrada en Hospitalet de Llobregat o 26 de xuño.

Albino Gabriel López

Albino Gabriel López naceu en Ourense. Dende moi novo se iniciou nas actividades políticas revolucionarias na Unión de Juventudes Antifascistas, UJA. Nunha das redadas brutais contra esta organización, pero tamén contra Socorro Rojo, Mujeres Antifascistas e Pueblo y Cultura, Albino é detido. Tortúrano e mallan de tal xeito, que pasa ao cárcere en cadeira de rodas, cos pés totalmente esnaquizados, cheos de queimaduras e golpes. Custaríalle varios meses poder volver a andar con normalidade.

Dentro de prisión acentúa a súa militancia comunista. Ao saír en liberdade incorpórase á clandestinidade máis absoluta e nuns meses pide o ingreso nos GRAPO. Participa na acción contra dous gardas civís no barrio barcelonés de Horta o 4 de maio de 1981. A súa vida, como na salvaxe oeste, xa tiña prezo posto e nunhas semanas segáronlla. O cadáver de Albino Gabriel foi retido durante varios días pola Garda Civil, e ao final puido descansar en Vilarello, Ourense o 26 de xuño.

 * * *

Homenaxe na Coruña o Sábado 18 de Xuño 2011

13:00 H Ofrenda floral diante da tumba de Roberto Liñeira Oliveira no Cemiterio de San Amaro

14:30 H Xantar-Coloquio con Ugio Caamanho, ex-preso independentista no CS Atreu!

Etiquetas: ,
Xuño 8, 2011

CEIVAR edita CD

Portada do CD

O Organismo Popular Anti-Repressivo CEIVAR ven de editar “RUIDO ANTI- REPRESSIVO”, un CD con 19 temas cuxos beneficios servirán para paliar os enormes gastos económicos que ocasiona a represión política. “O presente traballo musical -sinala CEIVAR- é unha contribución desinteresada de distintos grupos musicais para que esta intervención permanente dispoña de recursos económicos que a fan viábel e sustentábel e permita, se cadra, limitar a impunidade dos represores”.

Etiquetas:
%d bloggers like this: