Vimos de saber da convocatoria para o vindeiro fin de semana dunhas Xornadas Antifascistas. Os eventos comezarán o venres cunha CONCENTRACIÓN CONTRA AS LEIS FASCISTAS, en referencia a Lei Mordaza, A lei do Aborto e demais “xoias penais” coas que o goberno pretende devolvernos aos tempos do nacional-catolicismo. Será no Obelisco as 20:00h do día 17, quen queira pode facela súa (e presentarse coas súas propias pancartas ou reivindicacións).
Durante todo o día seguinte, e dende as 11:00 A.M., se desenvolverán unhas Xornadas Antifascistas no C.S.O. Palavea (Rúa Río Quintas 31, na N-550 xunto a Oh! Coruña) con partidos de futbol (monta tí o teu equipo), exhibicións de boxeo, xantar vegano, charlas de Alfon e de Suso Cela, pases de vídeo e concertos de “Talleres McGiver”, “La familia del Delirio”, “Bitxo Bola” e máis “Kira D.J.”.
Tirado da REVISTA ABORDAXE: http://abordaxerevista.blogspot.com/2014/01/concentracion-e-xornadas-antifascistas.html
COMITÉ DE SOLIDARIEDADE 