María Xosé impón as súas reivindicacións

María Xosé Baños

Segundo nos informa telefonicamente a propia presa política antifascista, María Xosé Baños acordou coa Dirección da Prisión de Picassent toda unha serie de melloras que incluirían cambio de módulo e unha inmediata saída ao hospital. Como vimos informando, a presa política dos GRAPO, viña sufrindo ameazas de morte de parte de varias presas socias coas que aínda comparte Módulo de illamento. O Director de Picassent tamén accedeu a axilazar a saída ao hospital que ten pendente. Estas eran as dúas reivindicacións fundamentais que motivaron un xaxún solidario das presas políticas antifascistas e comunistas de Brieva e toda unha serie de denuncias que, como nos sinala a propia María Xosé, xa chegaron a uvidos da Direción dese cárcere.

Xa que logo, e a petición expresa de María Xose, dende o COMITE DE SOLIDARIEDADE damos por rematada a campaña de envío de postais. Porén, haberá que manterse alerta até que a militante antifascista, vexa mellorada efectivamente a súa situación. Por último, sinalar a importancia desas denuncias e do rápido apoio recibido dende diferentes colectivos e xentes a título persoal. Unha vez máis queda patente que pelexando se poden conseguir cousas ou, canto menos, parar os atopelos que a cotío sofren os presos e presas políticas.